Юпа уйăхĕн 27-29 –мĕшĕнче Я.Г. Ухсай çуралнăранпа 100 çул çитнине халалланă республикăри «Чăваш кĕсли» интернет-олимпиада  пуçланчĕ.  Ăна Чăваш Республикин вĕренÿ тата çамрăксен политикин министерстви Чăваш чĕлхин инçет вĕренÿ центрĕпе пĕрле ирттерет. Çак олимпиадăра хутшăнма Канашри И.А. Кабалин ячĕллĕ 11-мĕш шкул ачисем те кăмăл турĕç. Акă 7-мĕш класс хĕр  ачисем Саша Чайкинăпа Марина Сергеева хăйсен пĕлĕвне тĕрĕслесе пăхрĕç. Çăмăлах пулмарĕç олимпиада ыйтăвĕсем. Çапах та вĕренÿ ĕçĕнче интернет технологийĕсемпе усă курни, шкул библиотекинче чăваш халăхĕн паллă çыннисене халалланă кĕнекесем пурри ачасене ыйтусене хуравлама çăмăллăх кÿчĕç.