Çулсерен хулари шкулсенче те чăваш чĕлхи кунне анлăн паллă тăваççĕ. Акă кăçал та Канашри 11-мĕш шкулта апрелĕн 23 мĕшĕнчен пуçласа 28 мĕшччен чăваш чĕлхи эрнине паллă тума палăртнă. Чăваш чĕлхи эрнинче шкулта тĕрлĕ мероприятисем, конкурсем иртĕç. Апрелĕн 23 мĕшĕнче илемлĕ вулакансен конкурсĕ иртрĕ.Конкурса 1 – 4 классем хутшăнчĕç. Унта тĕрлĕ авторсен сăввисем пулчĕç. Ачасем сăввисене тăрăшса, хавхаланса вуласа пачĕç. Куракансемпе жюри членĕсене лайах вулакансене палăртма та йывăр пулчĕ. Çапах та çĕнтерÿçĕсем пулчĕç.