Ака уйăхĕн 25 –мĕшĕ Чăваш тĕнчишĕн питĕ паллă кун. Шăпах çав кун чăваш халăхне çутта кăларакан И. Я. Яковлев çуралнă.

Çак кун чăваш чĕлхи кунне уявласси çинчен Чăваш Республикин Аслă Президиумĕ 1992- мĕш çулхи ака уйăхĕн 9 –мĕшĕнче йышăну кăларнă.Кăçал-тăван чĕлхен хăйне евĕрлĕ юбилей. Çак кун Чăваш Республикинче çеç мар, ун тулашĕнче те чăваш чĕлхин кунĕсем иртеççĕ. Акă пирĕн Канаш хулинчи 3- мĕш шкулта та Чăваш чĕлхи кунне паллă тума хулари вĕрентекенсемпе шкул ачисем пуçтарăнчĕç.Шкулта чăваш уявĕ иртни куç умĕнчех.Сцена çинче И. Я. Яковлев портречĕ,вăл каланă сăмахсем çакăнса тăраççĕ . Ачасемпе вĕрентекенсем чăваш тумĕсем тăхăннă.Пурин питĕнче те савăнăç, хаваслăх палăрать. Акă уяв пуçланчĕ. Сцена çине чăваш тумĕсем тăхăннă пĕчĕк пикесемпе каччăсем тухрĕç, пурне те  илемлĕ юрă парнелерĕç. Ун хыççăн пĕрин хыççăн тепри илемлĕ юрă тухса шăрантарчĕ. Пирĕн шкулти 8 Б класра вĕренекен А. Калинина та «Ромеопа Джульетта » ятлă юрра хăйĕн çепĕç сассипе юрласа пачĕ . Куракансем савăк юрра хапăл туса йышанчĕç.

  Чăваш чĕлхи кунĕ  тĕрлĕ халăх хушшинчи туслăха, йăла –йĕркене чыслакан савăнăçлă уяв пулса  тăчĕ.