Акă вĕçленчĕ те Чăваш чĕлхи эрни 11-мĕш шкулта. Савăнаçлă та шавлă иртрĕ ку эрне, мĕншĕн тесен вăл тĕрлĕ ĕçсемпе пуян пулчĕ. Уяв эрнине вара хаваслă  концертпа пĕтĕмлетрĕç. Çак ĕçе пуçламăш класс ачисем те, аслăраххисем хутшăнма кăмăл турĕç. Пянхи уява ертсе пыма 7-мĕш класс хĕрĕсене шанчĕс. Максимова Вероникăпа Воробьева Даша шанăçа тÿрре кăларчĕç. Вĕсем концерта ăста ертÿçĕсем пек ирттерчĕç. Тĕрлĕ илемлĕ юрă-ташăпа, сăвăпа тата шутлĕ сценкăпа савăнтарчĕç куракансене çамрăк артистсем. Вĕсем: 6 Б класс хĕрĕсем,  3 Б класс, 5А класс ачисем тата Андреева Настя, 4б класри Назарова Диана, 8Б класри Николаева Кристинăпа Яковлева Настя, 11-мĕш класри Евгеньев Игорь. Сцена çинче чăваш юррипе тан вырăс тата ют  çĕр-шыв кĕввисем те янăрарĕç.   Куракансем çамрăк артистсене  пурне те тăвăллă алă çупса саламларĕç. Концерт питĕ кăмăллă иртрĕ. Çак çепĕç ташă-юрă, сăвă ачасен чĕрисенче ырă, çутă туйăмсем çуратасса ĕненес килет. Чăваш чĕлхине вĕренес туртăм вĕсен чунĕсенче ан чактăрччĕ!